ფონდის მიზნები

• მონაწილეობა საერთაშორისო მოძრაობაში “მშვიდობიანი კავკასიისათვის”.
  
  
• კავკასიის ხალხების ჰარმონიული, მშვიდობიანი ურთიერთობების განვითარებისა და თანამედროვე მსოფლიოში მოწინავე ადგილის დამკვიდრებისათვის ხელის შეწყობა.
  
  
• კავკასიის ქვეყნების სამეცნიერო, სასწავლო, სამუზეუმო, საარქივო, კულტურისა და ძეგლთა დაცვის ცენტრებთან ურთიერთობათა და კავკასიოლოგიურ სამეცნიერო კვლევათა განვითარებისათვის ხელის შეწყობა.
  
  
• კავკასიის ხალხების კულტურათა და `კავკასიური ცივილიზაციის~ ფენომენის წარმოჩენა და მსოფლიოში პოპულარიზაცია.
  
  
• მსოფლიო რეალიებისა და ცივილიზაციის თანამედროვე მიღწევებთან მიმართებაში საქართველოსა და მთელი კავკასიის გეოპოლიტიკური, გეოეკონომიკური, ეკოლოგიური, ეთნოკულტურული და ეთნოსოციალური საკითხების სამეცნიერო კვლევათა დაგეგმვა-ჩატარება და მათთვის ხელის შეწყობა.
  
  
• საერთაშორისო ინფორმაციულ ბანკში ჩართული რეგიონალური გამოკვლევებისათვის საჭირო ინფორმაციულ-ანალიტიკური ბაზის შექმნა.
  
  
• მსოფლიოს სხვადასხვა ქვეყნის სპეციალისტთა, სამთავრობო და არასამთავრობო ორგანიზაციებისა და ფონდების დაინტერესება რეგიონის პრობლემებით.
  
  
• საერთაშორისო კავკასიოლოგიური კონგრესების, კონფერენციების, სიმპოზიუმების, სემინარებისა და შეხვედრების მოწყობა-ჩატარება და მათთვის ხელის შეწყობა.
  
  
• კავკასიოლოგიით დაინტერესებულ მეცნიერთა, მოსწავლე და სტუდენტი ახალგაზრდობის საერთო სამეცნიერო-სასწავლო პროგრამებში ჩართვა და მათთვის ხელის შეწყობა.
  
  
• კავკასიის ქვეყნებში ქართული და საქართველოში კავკასიის ხალხთა კულტურული მემკვიდრეობის დაცვისა და სარესტავრაციო სამუშაოების ჩატარებისათვის ხელის შეწყობა და მათში მონაწილეობა.
  
  
• კავკასიის ქვეყნებისა და ხალხთა მშვიდობიანი თანაარსებობის, რელიგიური ურთიერთშემწყნარებლობის, კულტურათა დიალოგის, “სახალხო დიპლომატიის” განვითარებისათვის, ბუნებრივი გარემოსა და ჯანმრთელობის დაცვისათვის ხელის შეწყობა.
  
  
• კულტურისა და სპორტის ეროვნულ სახეობათა სხვადასხვა დარგების შესწავლა-აღორძინება.
  
  
• კულტურისა და სპორტის სფეროებში საერთო ღონისძიებების ჩატარება და მათთვის ხელის შეწყობა.
  
  
• კავკასიის ქვეყნების სამეცნიერო, სასწავლო დაწესებულებებთან და შემოქმედებით კავშირებთან ერთად ფუნდამენტურ მიმართულებათა შედეგებზე პუბლიკაციების მომზადება-გამოცემა, დოკუმენტური და ისტორიულ-მხატვრული ფილმების გადაღება და მათთვის ხელის შეწყობა.
  
  
• კავკასიოლოგიური აქტუალური იდეების, ინიციატივების, პროექტებისა და პროგრამების წარმოჩენა, განხორციელება და მათთვის ხელის შეწყობა.